सोलुखुम्बुमा विश्व भलिबल दिवसको अवसरमा मैत्रीपूर्ण भलिबल प्रतियोगिता हुने

सोलुखुम्बु, असार १९ । विश्वभर भलिबलको लोकप्रियता दिनप्रतिदिन बढ्दै गइरहेको छ, र यसै सन्दर्भमा सोलुखुम्बु जिल्लामा पनि भलिबलप्रतिको उत्साह झनै बढ्दो छ। यही उत्साहलाई थप बलियो बनाउने उद्देश्यले सोलुखुम्बु जिल्ला भलिबल संघले विश्व भलिबल दिवसको अवसरमा असार २३ गते विशेष मैत्रीपूर्ण भलिबल प्रतियोगिता आयोजना गर्ने भएको छ।

प्रतियोगिता सोलुखुम्बुको सदरमुकाम सल्लेरीस्थित जिल्ला समन्वयको प्राङ्गणमा आयोजना गरिनेछ। भलिबल संघका अध्यक्ष दीपक किरातीका अनुसार प्रतियोगितामा जिल्लाका पाँच प्रतिष्ठित संस्थाहरू नेपाल पत्रकार महासंघ जिल्ला शाखा सोलुखुम्बु, कर्मचारी मिलन केन्द्र, नेपाल शिक्षक महासंघ सोलुखुम्बु, सोलुखुम्बु उद्योग महासंघ, र सोलुखुम्बु भलिबल रेफ्री संघबीच प्रतिस्पर्धा हुनेछ।

अध्यक्ष किरातीले जानकारी दिएअनुसार, प्रतियोगिताको उद्देश्य खेलमार्फत विभिन्न पेशागत समूहहरूबीच आपसी सद्भाव बढाउनुका साथै जिल्लामा भलिबलप्रतिको रुचिलाई अझ व्यापक बनाउनु हो।

सोलुखुम्बुमा आयोजना हुने यो मैत्रीपूर्ण प्रतियोगिता जिल्लामा भलिबलको विकासमा थप योगदान पुग्ने अपेक्षा गरिएको छ। खेलप्रेमीहरूमाझ उत्साह छ, र आयोजकहरू प्रतियोगिता सफल बनाउन तदारुक छन्।

थप समाचारहरु

सोलुखुम्बुमा भएको मैत्रीपुर्ण भलिबल खेलको उपाधी नेपाल पत्रकार महासंघलाई सोलुखुम्बु गार्मामा जिल्ला व्यापी वडा स्तरीय प्रथम वडा अध्यक्ष पुरुष भलिबल रनिङ शिल्ड प्रतियोगिता हुने । सोलुखुम्बु टाप्टिङमा वडा स्तरीय भलिबल प्रतियोगिता सञ्चालन हुने ।। माप्यदुधकोशी गाउँपालिकामा अध्यक्ष कप भलिबल तथा राष्ट्रपति रनिङ शिल्ड प्रतियोगिता आयोजना हुँदै । खुम्बुपासाङल्हामुमा पाँचौ ङिम दोर्जी शेर्पा स्मृति रनिङ गोल्डकप गाउँपालिका वडा स्तरीय पुरुष भलिबल प्रतियोगिता हुने खुम्बुपासाङल्हामु गाउँपालिकामा पाँचौ ङिम दोर्जी शेर्पा स्मृति रनिङ गोल्डकप गाउँपालिका वडा स्तरीय पुरुष भलिबल प्रतियोगिता हुने