जाजरकोटमा पहिरोले जनधनमा क्षति, एकको मृत्यु तीन बेपत्ता

जाजरकोट । लगातारको वर्षापछि भेरी नगरपालिका–२ रिसाङमा गएको पहिरोले ठूलो क्षति पुर्‍याएको छ। पहिरोमा परी ५२ वर्षीय केदार कार्कीको मृत्यु भएको छ भने तीन जना अझै बेपत्ता छन्।

प्रहरीका अनुसार उमासिंह खत्री, भीमबहादुर कार्की र रती खत्री पहिरोमा परेर बेपत्ता भएका हुन्। घटनामा नौ जना घाइते भएका छन्। घाइतेमध्ये केहीको नेपालगञ्ज, कोहलपुर र स्थानीय स्वास्थ्य संस्थामा उपचार भइरहेको छ।

• 

• 

पहिरोको जोखिम बढेपछि स्थानीय प्रशासनले सो क्षेत्रका करिब २०० जनालाई त्रिभुवन आधारभूत विद्यालयमा सुरक्षित स्थानमा सारेको छ। बेपत्ताको खोजी तथा उद्धारका लागि नेपाल प्रहरी, सशस्त्र प्रहरी र नेपाली सेनाको टोली परिचालन गरिएको छ।