बाढीले दुई दाजुभाइ बगायो, एकको मृत्यु अर्का बेपत्ता

प्युठान, असार २ — विद्यालयबाट घर फर्किँदै गरेका दुई बालकलाई वर्षापछि आएको बाढीले बगाउँदा एक जनाको मृत्यु भएको छ भने अर्का बालक बेपत्ता भएका छन्।

नौबहिनी गाउँपालिका–५ काँटेमा स्थानीय यामबहादुर खत्रीका छोराहरू विमल र मिलनलाई अचानक आएको बर्खे भेलले बगाएको हो। घटनामा कक्षा १ मा अध्ययनरत विमलको शव भेटिएको छ भने कक्षा ३ का मिलनको खोजी कार्य जारी छ।

• 

• 

स्थानीय प्रशासन र सुरक्षाकर्मीले बेपत्ता बालकको खोजी तीव्र बनाएको जनाइएको छ। घटना सम्बन्धी थप विवरण आउन बाँकी रहेको छ।