मनसुन सक्रिय, आज धेरै स्थानमा वर्षा हुने सम्भावना

काठमाडौँ : देशभर मनसुनी वायुको प्रभाव कायम रहेकाले आज अधिकांश क्षेत्रमा बदली रहने अनुमान गरिएको छ। मौसमविद्का अनुसार पहाडी भूभागका धेरै स्थानमा मेघगर्जन र चट्याङसहित हल्कादेखि मध्यम वर्षा हुन सक्ने सम्भावना रहेको छ। हिमाली तथा तराईका केही क्षेत्रमा पनि वर्षा हुने पूर्वानुमान गरिएको छ।

विशेषगरी कोशी, बागमती र गण्डकी प्रदेशका पहाडी तथा हिमाली क्षेत्रका एक–दुई स्थानमा भारी वर्षा हुन सक्ने जनाइएको छ। त्यसैगरी लुम्बिनी र सुदूरपश्चिम प्रदेशका केही पहाडी तथा तराई क्षेत्र पनि भारी वर्षाको जोखिममा रहेका छन्।

• 

• 

निरन्तर वर्षाका कारण नदी तथा खोलामा पानीको सतह बढ्न सक्ने, पहाडी क्षेत्रमा पहिरो जान सक्ने र सडक यातायात प्रभावित हुन सक्ने भएकाले सम्बन्धित क्षेत्रका बासिन्दालाई आवश्यक सतर्कता अपनाउन आग्रह गरिएको छ। यात्रामा निस्कनेहरूले मौसमको अवस्थाबारे जानकारी लिएर मात्र यात्रा गर्न मौसमविद्ले सुझाव दिएका छन्।