सालिकमा क्षति पुर्‍याएको आरोपमा एक युवक नियन्त्रणमा

लमजुङ : भानु घाँसी संवाद पार्कमा स्थापित आदिकवि भानुभक्त आचार्य र खड्कबहादुर थापाको सालिक तोडफोड गरेको आरोपमा प्रहरीले एक जनालाई पक्राउ गरेको छ।

प्रहरीका अनुसार साउन ७ गते राति भएको घटनाको अनुसन्धानपछि २४ वर्षीय रोशन कुँवरलाई नियन्त्रणमा लिइएको हो। उनीमाथि आपराधिक उपद्रव मुद्दामा जिल्ला अदालतबाट पाँच दिनको म्याद लिएर अनुसन्धान अघि बढाइएको प्रहरीले जनाएको छ।

• 

सालिकमा भएको क्षतिबारे थप अनुसन्धान जारी रहेको जिल्ला प्रहरी कार्यालय लमजुङले जनाएको छ।