दाक्सु मिडिया
२०७९ बैशाख २४
लुम्बिनी प्रदेशमा दुई जना मृत फेला परेका छन् । बर्दिया र अर्घाखाँचीमा भएका छुट्टाछुट्टै घटनामा दुईजना मृत फेला परेका हुन् । बर्दियाको गेरुवा गाउँपालिका–१ सरखोल बस्ने ७५ वर्षीया राजमती थारु बगहिपुरस्थित कर्णाली नदीबाट सिञ्चाईको लागि बनाएको कुलोमा मृत अवस्थामा फेला परेकी छन् ।
त्यस्तै, अर्घाखाँचीको सितगंगा नगरपालिका–१३ छत्याङ बस्ने चेतबहादुर विकका १२ वर्षीय छोरा मनोज विक घरबाट करिब चारसय मिटर टाढा जंगलमा मृत अवस्थामा फेला परेका छन् । दुवै घटनाको अनुसन्धान भइरहेको प्रहरीले जनाएको छ ।
तपाईको प्रतिक्रिया दिनुहोस्