दाक्सु मिडिया
काठमाडौं : नाडा अटोमोबाइल्स एसोसिएसन अफ नेपालले नेपाली अटोमोबाइल क्षेत्रको प्रमुख प्रदर्शनी ‘एच.पी. प्रेजेन्ट्स नाडा अटो शो २०२६’ आयोजना गर्ने भएको छ ।
नाडाको स्वर्ण जयन्तीको पूर्वसन्ध्यामा आयोजना हुन लागेको अटो शो भदौ ९ देखि १४ गतेसम्म काठमाडौंको भृकुटीमण्डप प्रदर्शनी परिसरमा सञ्चालन हुनेछ । अटो शोको यो १८औँ संस्करण हो । आयोजकका अनुसार प्रदर्शनीमा साना तथा ठूला गरी करिब २०० वटा स्टल रहनेछन् ।
प्रदर्शनीमा २२ ब्रान्डका प्यासेन्जर कार, १६ ब्रान्डका लाइट कमर्सियल भेहिकल र १२ ब्रान्डका दुईपांग्रे सवारीसाधन सहभागी हुनेछन् । त्यस्तै, ८ नेपाली उत्पादकसहित ६९ वटा कम्पोनेन्ट तथा अन्य सरोकारवाला व्यवसायीले आफ्ना उत्पादन तथा सेवा प्रदर्शनीमा राख्नेछन् ।
नाडाका अनुसार अटो शोका लागि स्टल माग गर्ने व्यवसायीको संख्या उल्लेख्य रहेको छ । प्रदर्शनीस्थलमा उपलब्ध स्थान सीमित भएकाले इच्छुक सबै व्यवसायीलाई स्टल उपलब्ध गराउन कठिनाइ भइरहेको आयोजकले जनाएको छ ।
स्वदेशी उत्पादनसँगै अन्तर्राष्ट्रिय ब्रान्डको सहभागिता रहने अटो शोले पछिल्लो समय सुस्त रहेको अटोमोबाइल बजारलाई चलायमान बनाउन सहयोग पुग्ने अपेक्षा आयोजकको छ ।
थप समाचारहरु
नाडाको ५०औँ स्वर्ण वर्षमा डिजिटल टिकटमा ५० प्रतिशत ‘अर्ली बर्ड’ छुट, भदौ ९ देखि १८औँ नाडा अटो शो
नाडा अटो शो २०२५’ आजदेखि काठमाडौंमा सुरु, नयाँ प्रविधि र ईभी मोडेलहरू मुख्य आकर्षण
नाडा अटो शो २०२५’ भोलिदेखि काठमाडौंमा, नयाँ प्रविधि र ईभी मोडेलहरू मुख्य आकर्षण
नाडा अटो शो–२०२५ सम्पन्न, १ लाख ६० हजारभन्दा बढीको अवलोकन, भविष्यका प्रविधि झल्किने
नाडा अटो शो २०२५: नेपालमा अटोमोटिभ नवप्रवर्तनको नयाँ युगको सुरुवात
नाडा अटो शो २०२५ का लागि सभामुख घिमिरेलाई विशेष निमन्त्रणा
तपाईको प्रतिक्रिया दिनुहोस्