निर्यात अवरोधले पूर्वका चिया उद्योग संकटमा, झापामा पनि उत्पादन ठप्प

काठमाडौँ । नेपाली चिया भारततर्फ निर्यात हुन नसकेपछि पूर्वी नेपालका चिया उद्योगहरू क्रमशः बन्द हुन थालेका छन्। इलामका दर्जनौँ उद्योग बन्द भइसकेपछि बिहीबारदेखि झापाका ३० भन्दा बढी चिया उद्योग र धेरै चिया बगानले पनि कामकाज रोकेका छन्।

उद्योगीहरूका अनुसार उत्पादित चिया बिक्री हुन नसक्दा गोदाम भरिएका छन् र आर्थिक दबाब बढ्दै गएको छ। यसले मजदुर, कर्मचारी तथा किसानको आयआर्जनमा समेत प्रत्यक्ष असर परेको छ।

• 

नेपाल चिया उत्पादक संघले निर्यातमा देखिएको समस्या समाधानका लागि सरकारी पहल पर्याप्त नभएको जनाएको छ। उता सरकारले भने भारतसँग कूटनीतिक संवादमार्फत समस्या समाधानको प्रयास भइरहेको बताएको छ।