पर्सा निकुञ्जमा मानव–बाघ सहअस्तित्वका लागि नयाँ अभियान

जनकपुरधाम — पर्सा राष्ट्रिय निकुञ्जले बाघको सङ्ख्या बढेसँगै मानव र बाघबीच सहअस्तित्व कायम गर्न ‘बाघ मित्र’ अभियान विस्तार गर्ने भएको छ।

हालैको गणनाअनुसार निकुञ्जमा बाघको सङ्ख्या ७१ पुगेको छ। यसअघि ४१ बाघ रहेकामा ३० वटा थपिएको निकुञ्जले जनाएको छ।

• 

• 

अभियानमार्फत पर्सा, बारा र मकवानपुरका स्थानीय समुदायलाई बाघको संरक्षण, वन्यजन्तुबाट जोगिने उपाय तथा क्षति भएमा राहत प्राप्त गर्ने प्रक्रियाबारे सचेत गराइनेछ। मानव–वन्यजन्तु द्वन्द्व घटाउँदै बाघ संरक्षण र पर्यापर्यटन प्रवर्द्धन गर्ने अभियानको उद्देश्य रहेको निकुञ्जले जनाएको छ।