फिफा विश्वकप २०२६ का लागि न्युजिल्यान्डको टोली घोषणा

काठमाण्डौँ । फिफा विश्वकप २०२६ का लागि न्युजिल्यान्डले अन्तिम टोली घोषणा गरेको छ ।

आगामी जुन ११ देखि अमेरिका, मेक्सिको र क्यानडामा संयुक्त रूपमा आयोजना हुने फिफा विश्वकपका लागि न्युजिल्यान्डले बिहीबार २६ सदस्यीय अन्तिम टोली घोषणा गरेको हो ।

यसअघि विश्वकप पुग्न प्लेअफ खेल्दै आएको न्युजिल्यान्डले यसपटक ओसियाना क्षेत्रको छनोटमा शीर्ष स्थानमा रहँदै विश्वकपमा स्थान बनाएको हो ।

‘समूह जी’ मा रहेको न्युजिल्यान्डले समूह चरणमा बेल्जियम, इजिप्ट र इरानसँग खेल्नेछ ।

• 

• 

• 

न्युजिल्यान्डको अन्तिम टोलीमा गोलकिपर : म्याक्स क्रोकोम्ब, एलेक्स पाउलसेन, माइकल वाउड,

डिफेन्डरः टेलर बिनडन, माएकल बोक्सल, लिबेराटो काकास, फ्रान्सिस डे उरिएस, कालन एलिएट, टिम पाएने, नान्दो पि जिनाकर, टोमी स्मित, फिन सुर्मान

मिडफिल्डर : लाचलन बाएलिस, जोए बेल, एलेक्स रुफर, मार्को स्टामेनिक, राएन थोमस ।

फरवार्ड : कोस्टा बारबारोउसेस, म्याट गार्बेट, एलि जस्ट, कालुम म्याकोवाट, बेन ओल्ड, जेसे रानबल, सर्प्रित सिंह, बेन वाएन, क्रिस उड रहेका छन् ।