जात्राबाट फर्किँदै गर्दा बसको ठक्करले महिलाको ज्यान गयो

बैतडीको दशरथचन्द नगरपालिका–२ देहिमाडौँस्थित निङ्गलाशैनी मन्दिरको जात्रा हेरेर फर्किँदै गर्दा गुरूखोलामा बसको ठक्करबाट ३३ वर्षीया भागरथी लुहारको घटनास्थलमै मृत्यु भएको छ।

महाकाली यातायातको सु.प.प्र. ०२००१ ख १०१७ नम्बरको बसले ठक्कर दिँदा दुर्घटना भएको जिल्ला प्रहरी प्रमुख डीएसपी दिपककुमार रायले जानकारी दिए।

• 

घटनापछि आक्रोशित स्थानीय र मृतकका आफन्तले राजमार्ग अवरुद्ध गरेका छन् भने सहमतिका लागि प्रहरी टोली घटनास्थलमा पुगेको छ।