सप्तरीमा बसमा सवार एक यात्रुको मृत्यु

काठमाण्डौँ । सप्तरीको कञ्चनपुर क्षेत्रमा यात्रुबाहक बसमा सवार एक यात्रुको मृत्यु भएको छ ।

भैरहवाबाट विराटनगरतर्फ जाँदै गरेको लु २ ख ३४८५ नम्बरको यात्रुबाहक बसमा सवार तिरहुत गाउँपालिका ४ डिमन घर भएका ५५ वर्षीय महेश मुखियाको बाटोमै मृत्यु भएको हो ।

उनी विगत ३–४ दिनदेखि बिरामी रहेको र उनका श्रीमती ४५ वर्षीया दुखनी मुखियाले घर लैजाने क्रममा बिहीबार बसमै मृत्यु भएको इलाका प्रहरी कार्यालय कञ्चनपुरका प्रहरी नायब उपरीक्षक माधवप्रसाद काफ्लेले जानकारी दिए ।

उनले शुक्रबार बिहान बस चालकले इलाका प्रहरी कार्यालय कञ्चनपुरमा जानकारी गराएपछि प्रारम्भिक अनुसन्धानका क्रममा घटनामा कुनै शङ्कास्पद अवस्था नदेखिएको बताए ।

मृतकको शव उनका भाइ उमेश मुखियाको जिम्मा लगाइएको प्रहरीले जनाएको छ ।

थप समाचारहरु

स्कुल बसले ठक्कर दिंँदा मोटरसाइकलमा सवार २ जनाको मृत्यु गुडिरहेको एसी बसमा आगलागी, २० भन्दा बढी यात्रुको मृत्यु सप्तरीमा दुर्घटना, तीन जनाको मृत्यु बलरामपुरमा बसमा आगलागी, तीन नेपालीको मृत्यु नारायणी नदीमा फेला परेको शव गणपति डिलक्समा सवार यात्रुको भएको पुष्टि सप्तरीमा हात्तीको आक्रमणबाट किसानको मृत्यु