जसपा नेपालले २ उपाध्यक्षसहित १४ कार्यकारिणी सदस्य थप्दै

काठमाडौँ : उपेन्द्र यादव नेतृत्वको जनता समाजवादी पार्टी (जसपा) नेपालले केन्द्रीय पदाधिकारी र कार्यकारिणी समिति सदस्य थप गर्ने भएको छ।

पार्टीको केन्द्रीय समितिको बैठकले पार्टीको विधान २०८० को ‘धारा १३९ बाधा अड्काउ फुकाऊ’ प्रयोग गरी पदाधिकारी र कार्यकारिणी सदस्य थप गर्न विधानको धारा २९ को उपधारा ३ संशोधन गरेको प्रचार प्रसार तथा प्रकाशन विभाग प्रमुख पूर्ण बस्नेतले जानकारी दिए।

उनका अनुसार, जातीय, सामुदायिक तथा लैंगिक समावेशितालाई आधार मानी पदाधिकारी तथा कार्यकारिणी सदस्य थप गर्न लागिएको हो।संशोधित विधानअनुसार जसपा नेपालले थप २ जना उपाध्यक्ष र १ महासचिव तथा ११ जना केन्द्रीय कार्यकारिणी सदस्य थप गर्ने बस्नेतले बताए।

संशोधित धारा २९ को उपधारा ३ अनुसार संघीय परिषद् अध्यक्ष, केन्द्रीय समिति अध्यक्ष, वरिष्ठ नेता, सहअध्यक्ष, उपाध्यक्ष, महासचिव, उपमहासचिव, सचिव, कोषाध्यक्ष र केन्द्रीय समितिबाट निर्वाचित २१ जना सदस्य रहने गरी केन्द्रीय कार्यकारिणी समिति गठन हुने भएको छ।यो खबर पढेर तपाईलाई कस्तो महसुस भयो

थप समाचारहरु

महन्थको पक्षमा १४ सांसद, कार्यकारिणी सदस्य पनि बढे निर्वाचन आयोगले महन्थलाई जसपा अध्यक्षबाट हटाइदियो जसपा नेपालले आज आधारभूत सङ्गठन निर्माण अभियानको उद्घाटन गर्दै जसपा पनि फुट्यो, महन्थ ठाकुरले दर्ता गरे जसपा लोकतान्त्रिक, चुनाव चिन्ह साइकल लोसपाको केन्द्रीय कार्यकारिणी समितिको बैठक सुरु जसपा नेपालको मतदान नहुने, सहमतिबाटै पदाधिकारी छानिने