नेपाली सेनाको अनुरोध: भ्रामक र झुट्टा समाचारप्रति सजग रहनुहोस्

नेपाली सेनाले हाल विभिन्न सञ्चार माध्यम र सामाजिक सञ्जालमार्फत फैलाइएका भ्रामक र झुट्टा समाचारप्रति सजग रहन आम सर्वसाधारणलाई अनुरोध गरेको छ।

सेनाको जनसम्पर्क तथा सूचना निर्देशनालयले शुक्रबार सूचना जारी गर्दै नेपाली सेनासँग सम्बन्धित आधिकारिक जानकारी मात्र विश्वास गर्न आग्रह गरेको हो।

• 

• 

सेनाले आफ्ना धारणा र गतिविधिहरू प्रेस विज्ञप्ति, प्रेस नोट तथा सामाजिक सञ्जालमार्फत नियमित रूपमा सार्वजनिक गर्दै आएको स्पष्ट पारेको छ। त्यसैले यस्ता भ्रामक समाचारहरूमा नपर्न सबैमा आग्रह गरिएको छ।