काठमाडौं । प्रधानमन्त्री शेरबहादुर देउवाको प्रमुख स्वकीय सचिवमा भानु देउवा नियुक्त भएका छन् । भानुले नै सो जिम्मेवारी निभाउँदै आए पनि उहाँले औपचारिकरुपमा नियुक्ति भने पाएका थिएनन् ।
बालुवाटारमा प्रधानमन्त्रीको प्रमुख स्वकीय सचिव कसलाई बनाउने भन्ने विषयमा रस्साकस्सीका कारण लामो समय सो पदमा औपचारिक नियुक्ति हुन सकेको थिएन ।
प्रथम महिला आरजु राणाले प्रकाश देउवालाई सो पदमा नियुक्त गर्न चाहेकी थिइनन् । प्रकाश देउवा लामो समय आरजुकै स्वकीय सचिवका रूपमा काम गर्दै आएका छन् । जसले गर्दा लामो समयसम्म पनि को प्रमुख स्वकीय सचिव बन्नेमा अन्योल रह्यो ।
प्रधानमन्त्री देउवाको यसअघिको प्रधानमन्त्री कालमा पनि भानु देउवा नै प्रमुख स्वकीय सचिव थिए ।
फेसबुकबाट तपाईको प्रतिक्रिया