काठमाडौं– महानगरीय प्रहरी परिसर ललितपुरले सुनाकोटीस्थित भीआईपी जुवा अखडामा शुक्रबार राती छापा हानी लाखौं रकमसहित दुई दर्जन जुवाडेलाई नियन्त्रणमा लिएको छ।
गोप्य सूचनाका आधारमा परिसरबाट खटिएको टोलीले लव बस्नेत, कान्छा बस्नेत, प्रकाश बस्नेत, राजेश भण्डारी, विनोद गुरु, अनिल महर्जन, अजय महर्जनलगायत दुई दर्जनलाई नियन्त्रणमा लिएको छ।
घटनास्थलबाट ठूलो परिमाणको रकम संकलन गरेको प्रहरी अनुसन्धान जारी राखेको छ। जुवा अखडाबाट अनुमानित १७ देखि २० लाख रुपैंया जफत गरेको स्रोतले जनाएको छ।
उक्त भीआईपी जुवा अखडाबाट नियन्त्रणमा लिएका मध्ये नेपाली सेनाका पूर्व जर्नेल हेमबहादुर लावती पनि रहेको आशंका गरिएको छ।
फेसबुकबाट तपाईको प्रतिक्रिया