ट्राफिक नियम तोड्ने ५२१ चालक कारबाहीमा

काठमाडौं । काठमाडौं उपत्यकामा पछिल्लो २४ घण्टामा ट्राफिक नियम उल्लङ्घन गर्ने ५२१ जना सवारीचालक कारबाहीमा परेका छन्।

उपत्यका ट्राफिक प्रहरी कार्यालयका अनुसार मादक पदार्थ सेवन गर्ने ३०, तीव्र गतिमा सवारी चलाउने ६६ र सवारी संकेत उल्लङ्घन गर्ने २६ चालक कारबाहीमा परेका हुन्। यस्तै, निषेधित क्षेत्रमा हर्न बजाउने, फुटपाथ पार्किङ गर्ने तथा अन्य नियम मिच्ने चालकलाई समेत कारबाही गरिएको प्रहरीले जनाएको छ।

• 

प्रहरीका अनुसार पछिल्लो अवधिमा सवारी नियम पालना गराउन निगरानी अझ कडा बनाइएको छ।