आत्मनिर्भर अर्थतन्त्र निर्माणमा जोड : पूर्वराष्ट्रपति भण्डारी

काठमाडौँ — पूर्वराष्ट्रपति विद्यादेवी भण्डारीले लोकतान्त्रिक गणतन्त्रका मूल्य र मान्यतालाई अझ परिपक्व र परिणाममुखी बनाउन सबै पक्षलाई आह्वान गरेकी छन्।

गणतन्त्र दिवसका अवसरमा शुभकामना सन्देश जारी गर्दै उनले सुशासन, आर्थिक समृद्धि र सामाजिक न्यायलाई राष्ट्रिय लक्ष्य बनाउनुपर्नेमा जोड दिइन्। साथै, मुलुकलाई आत्मनिर्भर अर्थतन्त्रतर्फ अघि बढाउन सबै एकजुट हुनुपर्ने आवश्यकता औँल्याइन्।

• 

भण्डारीले गणतन्त्रलाई नागरिकको जीवनस्तर सुधार्ने माध्यमका रूपमा विकास गर्नुपर्ने उल्लेख गर्दै समावेशी प्रतिनिधित्व र समान अवसर सुनिश्चित हुनुपर्ने बताइन्।