दाक्सु मिडिया
काठमाडौँ । नेकपा (माओवादी केन्द्र) का प्रमुख सचेतक हितराज पाण्डेले दर्ता हुन नआएको सामाजिक सञ्जालहरू बन्द गर्ने सरकारको निर्णय आपत्तिजनक रहेको बताएका छन् । संसद् भवन परिसरमा सञ्चारकर्मीहरूसँग कुरा गर्दै उनले यस्तो आपत्ति जनाएका हुन् ।
यसको माओवादी केन्द्रले विरोध गर्ने समेत उनले बताए । सरकारले समयमा काम नगर्ने र सञ्चालन हुने वातावरण नमिलाएका कारण यो समस्या आएको जिकिर गरे । नियमनको कुरा आवश्यक रहेको र तर के–के र कहाँ समस्या हो पहिचान गर्न जरुरी रहेको बताए ।
उनले भने, ‘सरकारले समयमा काम नगर्ने, त्यस्तो वातावरण नबनाउने र अभिव्यक्ति स्वतन्त्रतालाई कुण्ठित गर्न खोजेको छ । यसको हामी विरोध गर्दछौँ । नियमन गर्ने कुरा आवश्यक छ । तर यसका लागि सरकारले कहाँ समस्या हो, केके हो हेरेर बल्ल नियमन गर्नुपर्छ । सामाजिक सञ्जाल बन्द भयो भने देश अस्तव्यस्त हुन्छ, यो कुरा सरकारले ख्याल गर्नुपर्छ ।’ उनले सामाजिक सञ्जाल बन्द भयो भने देश अस्तव्यस्त हुने बताए ।
थप समाचारहरु
सामाजिक सञ्जाल बन्द गर्ने सरकारको निर्णय गलत हाे : गगन थापा
सरकारले सामाजिक सञ्जाल बन्द गर्ने निर्णय किन गर्यो ?
म्यान्मारमा सेनाद्वारा फेसबुकलगायत सामाजिक सञ्जाल बन्द
सरकारको अल्टिमेटम: ७ दिनभित्र दर्ता नभए सामाजिक सञ्जाल बन्द गरिने
नेपालमा सात वटा बाहेक अन्य सबै सामाजिक सञ्जाल बन्द गर्ने सरकारको निर्णय
सरकार सामाजिक सञ्जाल बन्द गरेर स्वतन्त्रता कुण्ठित गर्न खोज्दैछ : अग्नि सापकोटा
तपाईको प्रतिक्रिया दिनुहोस्