सामाजिक सञ्जाल बन्द गर्ने सरकारको निर्णय गलत हाे : गगन थापा

काठमाडौँ । नेपाली कांग्रेसका महामन्त्री एवं प्रतिनिधि सभा सदस्य गगन थापाले सामाजिक सञ्जाल बन्द गर्ने सरकारको निर्णय गलत भएको बताएका छन् ।

बिहीबार सरकारले कानुनबमोजिम दर्ता प्रक्रियामा नआएका सञ्जालहरुलाई बन्द गर्ने निर्णय गरेको थियो । उक्त निर्णयको महामन्त्री थापाले सामाजिक सञ्जाल फेसबुकमार्फत विरोध गरेका हुन् । सरकारले निर्णय पुनर्विचार गर्नुपर्ने समेत थापाले बताए ।
सर्वोच्च अदालतले सामाजिक सञ्जालमा प्रकाशन प्रसारण हुने अनिच्छित सामग्रीको मूल्याङ्कन, अनुगमन, जिम्मेवार बनाउन, दुरुपयोगलाई निरुत्साहित बनाउनलाई कानुनी प्रबन्ध गर्न भनेको छ,थापाले लेखेका छन्, यसको हवाला दिँदै निर्देशिकाका आधारमा सामाजिक सञ्जाल बन्द गर्ने होइन बरु आवश्यक कानुन छिटो बनाउने हो। सामाजिक सञ्जाल सम्बन्धित कानुन राष्ट्रिय सभामा विचाराधीन छ, त्यसमा छिटो काम गरेर उपयुक्त कानुन निर्माण गरौँ।

उनले सामाजिक सञ्जाल सुरक्षित बनाउन, दुरुपयोग रोक्न र नियमन गर्नको लागि सम्बन्धित कानुनलाई छिटो निर्माणमा तदारुकता देखाउन समेत सरकारसँग आग्रह गरे ।

थप समाचारहरु

नेपालमा सात वटा बाहेक अन्य सबै सामाजिक सञ्जाल बन्द गर्ने सरकारको निर्णय सरकारले सामाजिक सञ्जाल बन्द गर्ने निर्णय किन गर्‍यो ? सरकारको अल्टिमेटम: ७ दिनभित्र दर्ता नभए सामाजिक सञ्जाल बन्द गरिने सामाजिक सञ्‍जाल विधेयक सच्याएर, संशोधन भएर मात्रै पारित गर्ने कांग्रेस महामन्त्री थापा म्यान्मारमा सेनाद्वारा फेसबुकलगायत सामाजिक सञ्जाल बन्द सामाजिक सञ्जाल दर्ता हुन नआएपछि बिहीबारदेखि निष्क्रिय गर्ने सरकारको तयारी