सुरुङमा फसेका मजदुरहरूको उद्धारका लागि डेडिकेटेड हेलिकप्टर परिचालन

काठमाडौं । सरकारले जलविद्युत् आयोजनाको सुरुङमा फसेका मजदुरहरूको उद्धारका लागि डेडिकेटेड हेलिकप्टर परिचालन गरिएको छ । नेपाल विद्युत् प्राधिकरणका अनुसार अपर त्रिशुली ए जलविद्युत् आयोजनामा उद्धार केन्द्रित गरिएको छ ।

टनेल भित्र रहेका व्यक्तिको उद्धार कार्यलाई थप प्रभावकारी बनाउन आवश्यक उद्धार सामग्रीसहित टोली परिचालन गरिएको प्राधिकरणले जनाएको छ ।

• 

अपर त्रिशुलीबाट बिहीबार ३५० जनाको उद्धार गरिएको थियो । आज टनेल भित्रबाट थप २ जनाको सकुशल उद्धार गरिएको प्राधिकरणले जनाएको छ । कठिन भौगोलिक अवस्थिति र प्रतिकुल वातावरणले ती भेगमा उद्धार कठिन बनेको छ ।