रसुवा बाढीपीडितका लागि कामना सेवा बैंकको २५ लाख सहयोग

काठमाडौं । रसुवाको भोटेकोशी नदीमा आएको बाढीबाट प्रभावित नागरिकको राहत तथा उद्धारका लागि कामना सेवा विकास बैंकले २५ लाख रुपैयाँ सहयोग गरेको छ।

बैंकले संस्थागत सामाजिक उत्तरदायित्व (सीएसआर) अन्तर्गत १० लाख रुपैयाँ र कर्मचारीको एक दिनको तलबबाट १५ लाख रुपैयाँ गरी कुल २५ लाख रुपैयाँ प्रधानमन्त्री दैवी प्रकोप उद्धार कोषमा जम्मा गरेको जनाएको छ।

• 

बैंकका अनुसार उक्त सहयोगले बाढी प्रभावित परिवारको तत्कालीन आवश्यकता पूरा गर्न तथा राहत र उद्धार अभियानमा सहयोग पुग्नेछ।

बैंकले विपद्का कारण ज्यान गुमाउनेप्रति श्रद्धाञ्जली व्यक्त गर्दै घाइतेको शीघ्र स्वास्थ्यलाभ तथा प्रभावितको सुरक्षित जीवनयापनको कामना गरेको छ।