दाक्सु मिडिया
काठमाडौँ : राष्ट्रिय सभा बैठकमा मन्त्री महावीर पुन निदाएको भिडियो सामाजिक सञ्जालमा भाइरल भएपछि उनले त्यसबारे स्पष्टीकरण दिएका छन्।
विज्ञान, प्रविधि तथा नवप्रवर्तन मन्त्री पुनले आफूलाई ‘अल्छी’ र ‘काम नगर्ने मन्त्री’ भन्दै गरिएको आलोचनाप्रति असन्तुष्टि जनाउँदै बिहानदेखि रातिसम्म मन्त्रालयमा काम गरिरहेको बताएका छन्।
उनले आफू बिहान ६ बजे उठेर ७ बजेदेखि राति ११ बजेसम्म मन्त्रालयमा खटिने र अहिलेसम्म छुट्टीसमेत नलिएको दाबी गरेका छन्।
राष्ट्रिय सभा बैठकमा केही समय निदाएको भने उनले स्वीकार गरेका छन्। बैठक सञ्चालन हुने हलमा एसी नभएका कारण अत्यधिक गर्मी हुने र त्यही कारण बस्दाबस्दै आफ्नो आँखा झपक्क भएको उनको भनाइ छ।
आफू निदाएको भिडियो सामाजिक सञ्जालमा भाइरल बनाएर आलोचना गर्नेहरूलाई व्यङ्ग्यात्मक रूपमा धन्यवाद दिँदै पुनले उक्त घटनालाई कामप्रतिको बेवास्ताका रूपमा नलिन आग्रह गरेका छन्।
थप समाचारहरु
“अर्थमन्त्रीको स्पष्टीकरण : निदाएको थिइनँ”, फोनमा इमर्जेन्सी म्यासेज पढ्दै थिएँ
शिक्षा मन्त्री महावीर पुनको अनुरोध: “केही दिनका लागि अनावश्यक फोन र मेसेज नगर्नुहोस्”
स्थानीय तहलाई विद्यालय कर्मचारी र बाल शिक्षकको न्यूनतम तलब सुनिश्चित गर्न मन्त्री पुनको आग्रह
मन्त्री पुनको खण्डन : न निजी आम्दानी, न तलबभत्ता
झोलामा लुकेको रोलेक्स: मन्त्री पुनको रोचक घडी कथा
स्थानीय तहलाई मन्त्री पुनको आग्रह : तल नझारेर तलब बढाएर दिनुहोस्’
तपाईको प्रतिक्रिया दिनुहोस्