सोलुखुम्बु सोलुदुधकुण्ड नगपालिका ७ गार्मामा जिल्ला व्यापी वडा स्तरीय प्रथम वडा अध्यक्ष पुरुष भलिबल रनिङ शिल्ड प्रतियोगिता सुरु भएको छ । वडा नम्बर ७ गार्माको आयोजनामा रनिङ शिल्ड प्रतियोगता बिहिबारबाट सुरु भएको हो ।
यही असोज ५ गते शनिबारसम्म सञ्चालन हुने प्रतियोगिता गार्मा माविमा भइरहेको छ । खेलमा २५ टिमको सहभागिता रहेको वडा नम्बर ७ का वडा अध्यक्ष सोनाम ग्याल्जेन शेर्पाले जानकारी दिनु भएको छ ।
प्रतियोगितामा प्रथम, द्धितिय, तृतिय र सान्तवना हुने टिमलाई क्रमशः १ लाख १ हजार १ सय, ७५ हजार १ सय, ५० हजार १ सय र २५ हजार १ सयको साथमा ट्रफि मेडल प्रमाणपत्र प्रदान गरिने छ ।
यस्तै, सर्वोकृष्ट खेलाडीलाई ५ हजार, उत्कृष्ट स्पाईकर, उत्कृष्ट सेटर, उत्कृष्ट ब्लकर, उत्कृष्ट डिफेन्डर, उत्कृष्ट सर्भर, नव उदयमान खेलाडीलाई जनही २ हजारको साथमा ट्रफि प्रमाणपत्र प्रदान गरिने वडाले जनाएको छ ।
फेसबुकबाट तपाईको प्रतिक्रिया