दाक्सु मिडिया
२०८२ भाद्र २६
काठमाडौं । केही दिनअघिदेखि लागू गरिएको कर्फ्यु आज बिहान १० बजेसम्म खुकुलो भएपछि राजधानीका सडकमा चहलपहल बढेको छ। सवारीसाधन चल्न थालेका छन् र पसलहरू खुलेका छन्।
नेपाली सेनाको सूचनाअनुसार आज बिहान १० बजेसम्म कर्फ्यु खुला गरिएको हो। यद्यपि, बिहान १० बजेदेखि बेलुकी ५ बजेसम्म फेरि कर्फ्यु लागू हुनेछ। बेलुकी ५ देखि ७ बजेसम्म पुनः खुकुलो हुने भए पनि त्यसपछिको समय अर्थात् बेलुकी ७ बजेदेखि भोलि बिहान ६ बजेसम्म कर्फ्यु कडा रुपमा लागू गरिनेछ।
भ्रष्टाचार र सामाजिक सञ्जालमाथिको प्रतिबन्धविरुद्ध भदौ १९ गते युवाहरूले गरेको प्रदर्शनपछि सेनाले देशभर कर्फ्यु लगाएको हो। प्रदर्शनमा १९ जनाको ज्यान गएको थियो। अहिले भने सेनाको उपस्थिति सडकमा खासै देखिँदैन।
तपाईको प्रतिक्रिया दिनुहोस्