दशैं मनाउन साढे ५ लाखले छाडे काठमाडौं उपत्यका

घटस्थापनादेखि आठ दिनमा ५ लाख ५३ हजार २६१ जना बाहिरिए

काठमाडौं, १५ असोज —दशैं पर्व नजिकिँदै गर्दा काठमाडौं उपत्यका छाड्नेहरूको संख्या दिनप्रतिदिन बढ्दै गएको छ। काठमाडौं उपत्यका ट्राफिक प्रहरी कार्यालयका अनुसार घटस्थापनादेखि मंगलबार बेलुकीसम्म ५ लाख ५३ हजार २६१ जनाले उपत्यका छाडेका छन्।

• 

• 

उपत्यकाबाट बाहिरिने प्रमुख नाका—कलंकी, नागढुंगा, साँगाबाट यात्रुहरूको घुइँचो लागिरहेको छ। सार्वजनिक सवारी साधनहरूमा चाप अत्यधिक बढेको छ भने ट्राफिक व्यवस्थापनमा सुरक्षाकर्मीहरू खटिएका छन्।

प्रहरीका अनुसार यो संख्या अझै बढ्ने अनुमान गरिएको छ, किनभने धेरै नागरिकले विजया दशमी नजिकिएपछि मात्र यात्रा गर्ने योजना बनाएका छन्।