७९ नयाँ प्रहरी निरीक्षक सेवामा प्रवेश, आचरणमा सम्झौता नगर्न निर्देशन

काठमाडौं । नेपाल प्रहरीका महानिरीक्षक दानबहादुर कार्कीले प्रहरी अधिकृतलाई पदीय मर्यादा कायम राख्दै जनताको सेवामा जिम्मेवार बन्न आग्रह गरेका छन्। व्यक्तिगत स्वार्थ र अनुचित प्रभावमा परेर अधिकारको दुरुपयोग गर्दा संगठनको प्रतिष्ठामा असर पर्ने उनले बताए।

राष्ट्रिय प्रहरी प्रशिक्षण प्रतिष्ठान, महाराजगञ्जमा आयोजित दीक्षान्त समारोहमा ७९ प्रहरी निरीक्षकले तालिम पूरा गरेका छन्। कार्कीले उनीहरूलाई इमानदारी, अनुशासन र निष्पक्षतालाई कार्यशैलीको आधार बनाउन निर्देशन दिए।

• 

• 

कार्यक्रममा प्रधानमन्त्री वालेन्द्र शाहले सर्वोत्कृष्ट प्रशिक्षार्थी चोपबहादुर डेँगालाई पुरस्कार प्रदान गरेका थिए। अन्य विधामा उत्कृष्ट प्रशिक्षार्थीहरू पनि सम्मानित भए।