चिकित्सक आन्दोलनबारे सरकारलाई संवादमा आउन एमालेको आग्रह

काठमाडौं — नेकपा एमालेले आन्दोलनरत चिकित्सकसँग तत्काल वार्ता गरी समस्या समाधान गर्न सरकारलाई आग्रह गरेको छ।

पार्टीले बिरामीको स्वास्थ्य सेवामा असर पर्ने अवस्थाप्रति चिन्ता व्यक्त गर्दै सरकार संवेदनशील बन्नुपर्ने जनाएको छ।

• 

एमालेले जारी गरेको वक्तव्यमा चिकित्सक तथा स्वास्थ्यकर्मीको पेशागत र शारीरिक सुरक्षाको सुनिश्चितता गर्न माग गरिएको छ। साथै, उत्पन्न विवादको निकास संवाद र सहमतिबाट खोज्नुपर्नेमा जोड दिँदै सरकारलाई सक्रिय पहल गर्न आग्रह गरिएको छ।