इन्जिनियर चौधरीविरुद्ध गैरकानुनी सम्पत्ति आर्जन मुद्दा दायर

काठमाडौं, साउन १४ — अख्तियार दुरुपयोग अनुसन्धान आयोगले सडक डिभिजन कार्यालय भक्तपुरका इन्जिनियर शैलेन्द्रकुमार चौधरीविरुद्ध विशेष अदालतमा भ्रष्टाचारसम्बन्धी मुद्दा दायर गरेको छ।

आयोगका अनुसार अनुसन्धानका क्रममा चौधरीको वैधानिक आम्दानीभन्दा २ करोड २६ लाख १३ हजार १२३ रुपैयाँ बढी खर्च तथा लगानी गरेको पाइएको छ। उक्त रकमको स्रोत पुष्टि हुन नसकेको भन्दै आयोगले गैरकानुनी सम्पत्ति आर्जन गरेको आरोप लगाएको हो।

• 

आयोगले बिगो बराबर जरिवाना, कैद तथा अवैध सम्पत्ति जफतको माग गर्दै मुद्दा दायर गरेको जनाएको छ। साथै, उनकी श्रीमती अर्पना कुमारीलाई पनि सम्पत्ति जफत प्रयोजनका लागि प्रतिवादी बनाइएको छ।