बेलगोरोदमा युक्रेनी ड्रोनको भीषण आक्रमण, ५ जनाको ज्यान गयो

काठमाडौँ । रुसको बेलगोरोद क्षेत्रमा युक्रेनले गरेको ड्रोन आक्रमणमा कम्तीमा ५ जनाको मृत्यु भएको रुसी अधिकारीहरूले जनाएका छन्।

आक्रमणमा सुरुमा ३ जनाको मृत्यु भएको र २५ जना घाइते भएको बताइएको थियो। घाइतेमध्ये दुई बालबालिका समेत रहेकोमा पछि मृत्यु हुनेको संख्या ५ पुगेको हो।

• 

• 

कार्यवाहक गभर्नर अलेक्जान्डर शुवायेभका अनुसार ड्रोन आक्रमणपछि दुईवटा आवासीय भवनमा आगलागी भएको छ भने अन्य आवासीय तथा गैरआवासीय संरचनामा समेत क्षति पुगेको छ।यसैबीच, रुसी रक्षा मन्त्रालयले युरोपेली रुसका विभिन्न क्षेत्र, क्रिमिया तथा ब्ल्याक सागर र आजोभ सागरमाथि १५० भन्दा बढी युक्रेनी ड्रोन खसालेको दाबी गरेको छ।

नोभोरोसिस्कमा पनि ड्रोनका अवशेष दुई संरचनामा खसेको नगरप्रमुख आन्द्रे क्राभचेन्कोले बताएका छन्। स्थानीय अधिकारीका अनुसार त्यहाँ तीन आवासीय भवनमा क्षति पुगेको छ भने एक जना घाइते भएका छन्।