न्यायको माग गर्दै सिंहदरबार गेटमा निहारिका र बिनुको प्रदर्शन

काठमाडौं । न्यायको माग गर्दै आन्दोलनरत निहारिका राजपुत र बिनु यादवले सिंहदरबारको दक्षिण गेटमा घण्टी बजाएर विरोध प्रदर्शन गरेका छन्।

गृहमन्त्रीसँग भेट गरी आफ्ना माग राख्न मन्त्रालय पुगेका उनीहरूलाई सुरक्षाकर्मीले प्रवेश नदिएपछि गेटमै प्रतीकात्मक विरोध गरेका हुन्।

• 

पाँच दिनदेखि धर्नामा रहेका उनीहरूले सरकारसँग आफ्ना समस्या सम्बोधन गर्न माग गर्दै नाराबाजी गरेका थिए। प्रदर्शनका क्रममा प्रहरीले उनीहरूलाई हटाएको जनाइएको छ।