संरक्षण र समृद्धि सँगसँगै अघि बढाउनुपर्छ : मन्त्री चौधरी

काठमाडौं — कृषि, वन तथा वातावरणमन्त्री गीता चौधरी ले वातावरण संरक्षण र आर्थिक विकास एकअर्काका पूरक भएको बताएकी छन्।

विश्व वातावरण दिवसको अवसरमा आयोजित कार्यक्रममा उनले जलवायु परिवर्तन न्यूनीकरणलाई सरकारले राष्ट्रिय विकास योजनासँग जोडेर अघि बढाएको उल्लेख गरिन्।

• 

• 

• 

मन्त्री चौधरीले जलवायु परिवर्तनका चुनौतीलाई अवसरमा रूपान्तरण गर्दै विकासका लागि आवश्यक स्रोत परिचालन गर्नुपर्नेमा जोड दिइन्। साथै, सामुदायिक वन व्यवस्थापन, जैविक विविधता संरक्षण र स्थानीय सहभागिताका क्षेत्रमा नेपालले महत्वपूर्ण उपलब्धि हासिल गरेको बताइन्।

उनले जडीबुटी तथा वनजन्य उत्पादनको मूल्य अभिवृद्धिमार्फत संरक्षणबाट समृद्धि हासिल गर्ने अवधारणालाई व्यवहारमा उतार्न आवश्यक रहेको धारणा व्यक्त गरिन्।