दाक्सु मिडिया
काठमाण्डौँ । आगामी फागुन २१ गतेलाई तोकिएको प्रतिनिधि सभा निर्वाचनका लागि निर्वाचन आयोगले मतदाता नामावली सङ्कलन गर्ने बाटो खुलाइदिन आग्रह गर्दै सरकारलाई पत्राचार गरेको छ ।
कार्यवाहक प्रमुख निर्वाचन आयुक्त रामप्रसाद भण्डारीले मतदाता नामावली सङ्कलनका लागि आवश्यक व्यवस्था मिलाउन गृह मन्त्रालयलाई पत्राचार गरिसकेको बताए । उनले निर्वाचन आयोग सरकारी निर्णयको प्रतीक्षामा रहेको पनि जानकारी दिएका छन् ।
विद्यामान कानुन अनुसार निर्वाचनको मिति घोषणा भएसँगै मतदाता नामावली सङ्कलनको काम रोकिने व्यवस्था छ । त्यस्तो अवस्थामा अहिले आयोगले मतदाता नामावली सङ्कलन गर्न नसक्ने भएकाले सरकारले अध्यादेशमार्फत कानुनी बाधा फुकाइदिनुपर्ने हुन्छ ।
मतदाता नामावली ऐन, २०७३ को दफा ४ को उपदफा २ बमोजिम चुनावको मिति घोषणा भइसकेपछि सोही निर्वाचनको प्रयोजनका लागि मतदाता नामावलीमा नाम दर्ता गर्न नपाइने व्यवस्था उल्लेख छ । यसअघि आयोगले २०७९ को निर्वाचनअघि मतदाता नामावली सङ्कलन गरेको थियो ।
थप समाचारहरु
सोलुखुम्बु जिल्लामा छब्बीस सय ४९ नयाँ मतदाता थपिए
असार १ बाट मतदाता नामावली दर्ता खुल्दै
आजबाट पुनः मतदाता नामावली संकलन
सोलुखुम्बुमा माप्य दुधकोशी गाउपालीकामा मतदाता संख्या कत्ती पुग्यो ?
निर्वाचन आयोगले जनक शिक्षालाई मतपत्र छपाई गर्न दुई करोड दिने
स्थानीय तह निर्वाचनः उम्मेदवारको नामावली आज प्रकाशन गरिने
तपाईको प्रतिक्रिया दिनुहोस्