राष्ट्रपति भण्डारीद्वारा भदौ २३ गते संसद अधिवेशन आह्वान

काठमाडौं । मन्त्रिपरिषद् बैठकले गरेको सिफारिसअनुसार राष्ट्रपति विद्यादेवी भण्डारीले सङ्घीय संसद्का दुवै सदनको बैठक आह्वान गरेकी छन्। बैठक आगामी भदौ २३ गते बुधवार अपराह्न ४ बजे बस्ने गरी बोलाइएको हो।

अधिवेशनमा सरकारले यसअघि ल्याएको राजनीतिक दल विभाजनसम्बन्धी अध्यादेश प्रस्तुत हुनेछ। आगामी अधिवेशनमा सरकारले अध्यादेश मार्फत् ल्याएको बजेटको प्रतिस्थापन गर्ने विधेयक पनि ल्याउनेछ।

शनिबार बिहान प्रधानमन्त्री शेरबहादुर देउवाले संसद् अधिवेशन बोलाउनेबारे सभामुख अग्निप्रसाद सापकोटासँग छलफल गरेका थिए।

यस्तै सत्ता साझेदार दल नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधव नेपालसँग पनि प्रधानमन्त्री देउवाले छलफल गरेका थिए।

थप समाचारहरु

भदौ २३ मा संघीय संसदको अधिवेशन बोलाउन सरकारको सिफारिस आजै मध्यराती १२ बजेदेखि संसद अधिवेशन अन्त्य गरिने राष्ट्रपति भण्डारीद्वारा संसद भंग ; ओली र देउवाले सरकार गठनको दावी अस्वीकार गरे प्रधानमन्त्री देउवाको आह्वानमा गठबन्धनको बैठक बस्दै प्रधानमन्त्री देउवाको आह्वानमा मन्त्रिपरिषद्को बैठक जारी मन्त्रिपरिषद् बैठकपछि प्रधानमन्त्री पुगे राष्ट्रपति भेट्न शीतल निवास