दाक्सु मिडिया
काठमाडौं । काठमाडौं महानगरपालिकाले सम्पत्ति कर नतिर्नेहरुको घर आँगन तथा कार्यालय परिसरमा पञ्चेबाजा बजाएर सूचना टाँस्न थालेको छ ।
आज काठमाडौं महानगरपालिकाले न्युरोडस्थित केशा प्लाजालाई सम्पत्ति कर नतिरेको भन्दै प्लाजा परिसरमा पञ्चेबाजा बजाउँदै सूचना टाँस गरेको छ ।
गत असार १६ र साउन २४ गते सूचना प्रकाशित गरी ३० दिनभित्र कर तिर्नका लागि भनिएकोमा अटेर गरेकाले प्लाजालाई सचेत गराइएको महानगरपालिकाले जनाएको छ ।
महानगरपालिकाले सात दिनभित्र कर नबुझाएमा कानूनअनुसार प्लाजाका सम्पूर्ण पसल तथा व्यावसायिक गतिविधि बन्द गराउने समेत चेतावनी दिएको छ ।
महानगरपालिकाले यसअघि नै घरजग्गा र सम्पत्ति कर नबुझाउने ५२ करदातालाई ३० दिने सूचना दिएर नाम सार्वजनिक गरिसकेको छ । यसअघि २० जना करदाताको नाम सार्वजनिक गरेको थियो ।
तीमध्ये कर तिर्ने गरी प्रक्रियामा नआउने करदाताको कार्यालय तथा घर–आँगन परिसरमा बुधबारदेखि पञ्चेबाजा बजाउने महानगरपालिकाले निर्णय गरेको थियो ।
महानगरपालिको राजस्व विभाग प्रमुख डा. शिवराज अधिकारीका अनुसार ती करदाताबाट करीब ७० करोड रुपैयाँ सम्पत्ति कर उठाउन बाँकी छ ।
थप समाचारहरु
सडक विभाग बाहिर काठमाडौं महानगरले थुपारिदियो धुलो
काठमाडौं महानगरका सार्वजनिक स्थानमा भिक्षा माग्न निषेध
काठमाडौँ महानगरले प्रदान गर्ने छात्रवृत्तिका लागि विद्यार्थीको सूची सार्वजनिक
बक्यौता कर तिर्न महानगरले गोपीकृष्ण सिनेमा हललाई दियो ७ दिने अल्टिमेटम
थामे हिमबाढी प्रभावितलाई काठमाडौं महानगरले २० लाख दिने
काठमाडौं महानगरले ६ महिनामा उठायो ४ अर्ब ५६ करोड राजस्व
तपाईको प्रतिक्रिया दिनुहोस्