पाँच दलीय विपक्षी गठबन्धनका विद्यार्थी संगठनले शनिबार काठमाडौंको मीनभवनमा गरेको प्रदर्शनका क्रममा प्रहरीको लाठी प्रहारबाट फोटो पत्रकार निमेषजङ्ग राई घाइते भएका छन्। प्रहरीको लाठी प्रहारबाट घाइते भएका नेपाल लाइभका फोटो पत्रकार राईको घुँडामा चोट लागेको छ।
प्रदर्शनका क्रममा विद्यार्थी र प्रहरीबीच भएको धरपकडका कारण लड्न पुगेका राईमाथि पत्रकार भएको थाहा पाउँदापाउँदै पनि नियोजित ढङ्गले लाठी प्रहार गरिएको प्रत्यक्षदर्शी सञ्चारकर्मीले जानकारी दिएका छन्।
तस्बिर संकलन तथा सम्प्रेषण गरिरहेका फोटो पत्रकारहरुलाई पटकपटक नियोजित रुपमै नेपाल प्रहरीबाट भएको आक्रमणप्रति फोटोपत्रकार क्लबले गम्भीर ध्यानाकर्षण जनाएको छ। पेशागत धर्म निर्वाह गरिररहेका राईमाथि आक्रमण गर्ने प्रहरीमाथि छानबिन गरी कार्वाही गर्न, पटकपटक फोटो पत्रकारहरुलाई लक्ष्यित गरी गरिने आक्रमण रोक्न, आफ्ना मातहतका प्रहरीलाई सजग गराउन पनि क्लबका प्रवक्ता दिपेश श्रेष्ठद्वारा हस्ताक्षरित विज्ञप्तिमा नेपाल प्रहरीको नेतृत्वसँग आग्रह गरिउको छ।
फेसबुकबाट तपाईको प्रतिक्रिया