आज मात्र थपिए ७ हजार ४४८ कोरोना संक्रमित, ३७ को मृत्यु

काठमाडौं । पछिल्लो २४ घण्टाको अवधिमा नेपालमा थप ७ हजार ४४८ जनामा कोरोना भाइरस संक्रमित थपिएका छन् ।

आज मात्र ३७ जना कोरोना संक्रमिले ज्यान गुमाएका छन् ।स्वास्थ्य तथा जनसंख्या मन्त्रालयले जनाए अनुसार १६ हजार ६५८ पिसिआर परीक्षणमा ७ हजार ३८८ जना र ५१८ एन्टिजेन परीक्षणमा ६० जना गरी ७ हजार ४४८ जनामा कोरोना संक्रमण पुष्टि भएको हो।

यो संक्रमण नेपालमा कोरोन संक्रमणको महामारी यताकै सबै भन्दा बढी हो ।
काठमाडौं उपत्यकाभित्र भक्तपुरमा २२२, ललितपुरमा ५२२ र काठमाडौंमा २९२२ जना गरी ३६६६ संक्रमित थपिएका छन्।
योसँगै नेपालमा कूल सङ्क्रमितको सङ्ख्या तीन लाख ४३ हजार ४१८ पुगेको छ भने हालसम्म देशभर सक्रिय संक्रमित ५४ हजार ४१ छन्।

अघिल्लो २४ घण्टामा २ हजार २१ जना उपचारपछि डिस्चार्ज भएका छन्। योसँगै निको हुनेको सङ्ख्या दुई लाख ८६ हजार १५ पुगेको मन्त्रालयले जनाएको छ।
कोरोना संक्रमणबा हालसम्म मृत्यु हुनेको संख्या ३३६२ पुगेको छ।