बाँके राष्ट्रिय निकुञ्जमा पर्यटकको आकर्षण बढ्दै

नेपालगञ्ज । बाँके राष्ट्रिय निकुञ्जमा पर्यटकको आगमन उल्लेखनीय रूपमा बढेको छ। गत आर्थिक वर्ष २०८२/८३ मा एक हजार ४६६ जना पर्यटकले निकुञ्ज भ्रमण गरेका छन्, जुन अघिल्लो वर्षको तुलनामा डेढगुणाभन्दा बढी हो।

निकुञ्जका प्रमुख संरक्षण अधिकृत वीरेन्द्रप्रसाद कँडेलका अनुसार पर्यटक वृद्धि हुनु स्थानीय पर्यटन र अर्थतन्त्रका लागि सकारात्मक संकेत हो। प्रभावकारी प्रचारप्रसार, पूर्वाधार विकास र पर्यटन प्रवर्द्धनका कार्यक्रम सञ्चालन गर्न सके आगामी वर्ष चार हजार पर्यटक भित्र्याउने लक्ष्य पूरा हुने विश्वास व्यक्त गरिएको छ।

• 

हाल निकुञ्जमा २५ वटा वयस्क पाटेबाघसहित ४२२ प्रजातिका वन्यजन्तु पाइन्छन्। नेपालगञ्जबाट करिब १६ किलोमिटर दूरीमा रहेको यो निकुञ्ज पर्यावरणमैत्री पर्यटनका लागि महत्वपूर्ण गन्तव्यका रूपमा विकास हुँदै गएको छ।