वर्षा र पहिरोको असर : मुख्य सडकहरूमा यात्रा प्रभावित

काठमाडौं, असार ६ — निरन्तरको वर्षासँगै आएको बाढी, पहिरो र सडक मर्मत कार्यका कारण देशका विभिन्न राजमार्गमा यातायात सेवा प्रभावित भएको छ।

सडक विभागका अनुसार कोशी प्रदेशका भोजपुर, पाँचथर र इलामका केही सडक खण्डमा बाढीका कारण सवारी आवागमन एकतर्फी रूपमा मात्र सञ्चालन भइरहेको छ। यस्तै, सम्भावित जोखिमलाई ध्यानमा राख्दै बागमती प्रदेशअन्तर्गत बीपी राजमार्गको केही भागमा सवारी सञ्चालन रोकिएको छ।

• 

त्यसैगरी मकवानपुर–काठमाडौं जोड्ने कुलेखानी–फाखेल सडकखण्ड मर्मतका लागि अस्थायी रूपमा बन्द गरिएको छ। सम्बन्धित निकायले यात्रुहरूलाई यात्रा अघि सडक अवस्थाबारे जानकारी लिएर मात्र गन्तव्यतर्फ जान आग्रह गरेको छ।