दाक्सु मिडिया
२०८३ जेष्ठ २०
टोकियो, जेठ २० — उष्णकटिबन्धीय आँधी जाङ्मीका कारण जापानको टोकियो क्षेत्रसहित पूर्वी र मध्य भागमा लगातार भारी वर्षा भइरहेको छ। यसले बाढी र भूक्षयको जोखिम बढाउनुका साथै जनजीवन प्रभावित बनाएको छ।
आँधीको प्रभावले राजधानी क्षेत्रमा सडक यातायात अवरुद्ध भएको छ भने सयौँ उडान रद्द भएका छन्। रेल सेवा प्रभावित हुँदा हजारौँ घरमा विद्युत् आपूर्ति समेत बन्द भएको छ।
स्थानीय प्रशासनले नदी किनार र जोखिमयुक्त क्षेत्रका बासिन्दालाई सुरक्षित स्थानतर्फ सार्न आग्रह गरेको छ। टोकियो इलेक्ट्रिक पावर कम्पनीका अनुसार पाँच हजारभन्दा बढी घर अन्धकारमा परेका छन्।
जापान मौसम विज्ञान एजेन्सीले टोकियो र आसपासका क्षेत्रमा थप भारी वर्षा हुन सक्ने चेतावनी दिँदै सतर्क रहन आग्रह गरेको छ।
तपाईको प्रतिक्रिया दिनुहोस्