दाक्सु मिडिया
मेष
आज तपाईं आफ्नो कार्यक्षेत्रमा प्रभावशाली रूपमा प्रस्तुत हुनुहुनेछ। नेतृत्व क्षमता प्रकट हुनेछ र तपाईंका निर्णयहरू अरूका लागि मार्गदर्शक बन्न सक्छन्। नयाँ योजना अघि बढाउने सोच छ भने सुरुवात गर्न सक्नुहुन्छ। स्वास्थ्य राम्रो रहनेछ। शुभ कार्य आरम्भ गर्नु अघि भगवान गणेशको स्मरण गर्नु हितकर हुनेछ।
शुभ रंग: पहेंलो | शुभ अंक: २
वृष
सामाजिक दायित्व बढ्न सक्छ। प्रतिष्ठित व्यक्तिहरूसँग भेटघाटको अवसर मिल्नेछ। रोकिएका कामहरू मित्र तथा शुभचिन्तकहरूको सहयोगमा अघि बढ्ने सम्भावना छ। नयाँ जिम्मेवारीले व्यस्तता थप्न सक्छ तर उपलब्धि पनि दिलाउनेछ।
शुभ रंग: हरियो | शुभ अंक: ३
मिथुन
व्यवसायिक क्षेत्रमा उल्लेखनीय प्रगति हुने संकेत छ। नयाँ जिम्मेवारी वा पदोन्नतिको सम्भावना देखिन्छ। आम्दानीका स्रोत विस्तार हुन सक्छन्। परिवारसँग रमाइलो समय बिताउने अवसर मिल्नेछ, सानो यात्राको पनि योग छ।
शुभ रंग: निलो | शुभ अंक: १
कर्कट
स्वास्थ्यमा सामान्य कमजोरी देखिन सक्छ, त्यसैले खानपान र आराममा ध्यान दिनु आवश्यक छ। भरोसा गरेका व्यक्तिबाट अपेक्षित साथ नपाइने सम्भावना छ। खर्च बढ्न सक्ने हुँदा आर्थिक योजना मिलाएर अघि बढ्नु राम्रो हुनेछ। अनावश्यक सल्लाह दिनु उपयुक्त नहोला।
शुभ रंग: केशरी | शुभ अंक: २
सिंह
सेवा वा समाजसेवाबाट सम्मान प्राप्त हुने दिन छ। साझेदारीमा लाभ मिल्ने सम्भावना देखिन्छ। लामो समयदेखि रोकिएका योजनाहरू सफलतापूर्वक अघि बढ्नेछन्। जीवनसाथीको स्वास्थ्यप्रति भने सजग रहनु आवश्यक छ।
शुभ रंग: निलो | शुभ अंक: ८
कन्या
अट्किएको रकम हात लाग्ने संकेत छ। नयाँ कार्यको आधार तयार गर्न अनुकूल समय छ। व्यापारमा ठूलो फड्कोभन्दा सन्तोषजनक उपलब्धिमा ध्यान दिनु राम्रो हुनेछ। प्रेम सम्बन्धमा मधुरता कायम रहनेछ।
शुभ रंग: आकाशी | शुभ अंक: ३
तुला
मेहनतको उचित मूल्यांकन हुने दिन छ। प्रेम सम्बन्ध थप प्रगाढ बन्नेछ। विद्यार्थीहरूलाई गुरुजनको विशेष सहयोग प्राप्त हुनेछ। केही काम बाध्यतावश गर्नुपरे पनि अन्ततः फाइदा हुनेछ।
शुभ रंग: गुलाबी | शुभ अंक: ३
वृश्चिक
शत्रु तथा रोगबाट मुक्ति मिल्ने संकेत छ। परिवारसँग सम्बन्ध सुदृढ हुनेछ। विवादमा पर्ने सम्भावना रहेकाले संयमता अपनाउनु राम्रो हुनेछ। सवारी साधन प्रयोग गर्दा सावधानी अपनाउनु आवश्यक छ।
शुभ रंग: सेतो | शुभ अंक: ५
धनु
आजको दिन हर्षोल्लासपूर्ण रहनेछ। मान–सम्मान तथा आतिथ्य प्राप्त हुन सक्छ। दाम्पत्य जीवनमा सुख र समझदारी बढ्नेछ। मनले चाहेको काम सम्पन्न हुने संकेत छ।
शुभ रंग: निलो | शुभ अंक: ७
मकर
प्रतिस्पर्धीहरूले चुनौती दिन सक्छन्, तर धैर्यले विजय दिलाउनेछ। आर्थिक लेनदेनमा सतर्क रहनु राम्रो हुनेछ। कला, संगीत वा सिर्जनात्मक क्षेत्रमा रुचि बढ्नेछ। नयाँ आयस्रोतको खोजी सफल हुन सक्छ।
शुभ रंग: सुन्तला | शुभ अंक: २
कुम्भ
कानुनी वा प्रतिस्पर्धात्मक क्षेत्रमा सफलता मिल्ने सम्भावना छ। जीवनसाथीसँग रमाइलो यात्रा हुन सक्छ। स्वास्थ्य सन्तोषजनक रहनेछ। परीक्षामा सफलता हात पार्ने संकेत देखिन्छ।
शुभ रंग: कलेजी | शुभ अंक: ७
मीन
वैदेशिक क्षेत्रसँग सम्बन्धित कार्यमा प्रगति हुनेछ। खानपानमा लापरवाही नगर्नुहोला। आध्यात्मिक ज्ञान र साधनामा रुचि बढ्नेछ। आर्थिक लेनदेनमा विशेष सावधानी आवश्यक छ।
शुभ रंग: निलो | शुभ अंक: ८
तपाईको प्रतिक्रिया दिनुहोस्