किताब बेच्दै थिए, मन्त्री बनें : महावीर पुन

काठमाडौँ – नव नियुक्त शिक्षा, विज्ञान तथा प्रविधि मन्त्री महावीर पुनले सोमबार केशर महलस्थित मन्त्रालयमा पदभार ग्रहण गरेका छन्। पदभार ग्रहणपछि मन्त्री पुनले आफूलाई मन्त्री बनाउने निर्णय परिस्थिति जन्य भएको बताएका छन्।

“म त मेरो लयमा किताब बेच्दै थिएँ, मन्त्री बन्ने सोच नै थिएन,” पुनले भने, “तर परिस्थितिले यस्तो मोडमा ल्यायो कि मन्त्री बन्नुपर्‍यो।”

• 

पुनले मन्त्रालयमै बसेर काम गर्ने प्रतिबद्धता जनाउँदै भने, “यहाँ किचन भए पाक्ने, ओछ्यान लगाएर सुत्ने, अनि यतै काम गर्ने हो। मन्त्री हुँदैंमा सबै कुरा सुध्रिन्छ भन्ने छैन, तर केही न केही राम्रो काम गर्ने प्रयास गरिन्छ।”

उनले विज्ञहरूलाई बोलाएर छलफल गर्ने र तिनैका सुझावअनुसार छिटो निर्णय लिने बताउँदै विज्ञान, प्रविधि, नवप्रवर्तन र अनुसन्धानलाई प्राथमिकतामा राख्ने स्पष्ट पारे।

नि:शुल्क शिक्षा सम्बन्धी प्रश्नमा पुनले व्यावहारिक सोच प्रस्तुत गरे। “म मन्त्री भएकै भरमा नि:शुल्क शिक्षा दिन सक्दिन, म भगवान् त हैन। तर प्रयास गरौँला,” उनले उल्लेख गरे।