दाक्सु मिडिया
काठमाडौँ । अमेरिका-इजरायल-इरान युद्धको आज पाँचौँ दिन अमेरिकाले भारतबाट फर्किरहेको इरानी युद्धपोत, आईआरआईएस डेनालाई श्रीलंका नजिकै आक्रमण गरी डुबाएको छ ।
आक्रमणमा हालसम्म कम्तीमा ८० इरानी नाविक मारिएको श्रीलंका सरकारले रिपोर्ट गरेको छ । अमेरिकी रक्षा सचिव पिट हेगसेथले एक अमेरिकी पनडुब्बीले हिन्द महासागरमा इरानी जहाजलाई टार्पेडोले डुबाएको उल्लेख गरेका छन् ।
श्रीलंकाली नौसेनाले ३२ जना घाइते नाविकहरूलाई उद्धार गरी अस्पताल भर्ना गरेको जनाएको छ । जहाजमा लगभग १८० नाविकहरू थिए । बेपत्ताहरूको खोजी र उद्धार अभियान चलिरहेको छ । इरानी युद्धपोत गत महिना भारतको विशाखापट्टनममा आयोजित २०२६ अन्तर्राष्ट्रिय फ्लीट समीक्षामा भाग लिएर फर्किरहेको थियो ।
श्रीलंकाली अधिकारीहरूले अल जजीरालाई बताएअनुसार जहाजले बुधबार बिहान ६ देखि ७ बजे (भारतीय समय) बीचमा मद्दतको लागि फोन गरेको थियो । जहाज दक्षिणी श्रीलंकाली सहर गालेबाट लगभग ४० समुद्री माइल (लगभग ७५ किलोमिटर) टाढा थियो ।
थप समाचारहरु
इरानी युद्धपोतमा श्रीलंका नजिक पनडुब्बी हमला, दर्जनौँ घाइते र बेपत्ता
इरानसँगको द्वन्द्वमा ६ अमेरिकी सैनिकको मृत्यु
सिरियामा इजरायली आक्रमण : कम्तीमा १४ जनाको मृत्यु, ४३ जना घाइते
अरब सागरमा अमेरिकाले खसाल्यो उडिरहेको इरानी ड्रोन
अमेरिका–इजरायल र इरान युद्ध पाँचौँ दिन पनि दुबईस्थित अमेरिकी दूतावासमा बमबारी
इरानी सर्वोच्च नेता खामेनीको मृत्युपछि इरानमा संक्रमणकालीन नेतृत्व तय, आक्रमणमा १ सय ३३ सर्वसाधारण मारिए
तपाईको प्रतिक्रिया दिनुहोस्