भाटभटेनीमा चार दिनदेखि आगो नियन्त्रणमा छैन, २१ शाखामा क्षति

काठमाडौं । चुच्चेपाटीस्थित भाटभटेनीमा मंगलबार लागेको आगो चार दिनपछि पनि नियन्त्रणमा आउन सकेको छैन। प्रदर्शनकारीले सुरुमा तोडफोड गरी लुटपाटपछि आगजनी गरेका थिए। नेपाली सेना र दमकल टोलीले आगो निभाउने प्रयास गरिरहेका छन् तर अन्तिम तलामा अझै आगो लागिरहेको छ।

२८ मध्ये २१ शाखामा तोडफोड, लुटपाट र आगजनी भएको भाटभटेनीले जनाएको छ। १२ शाखामा लुटपाटपछि आगो लगाइएको हो भने ९ शाखामा तोडफोड र लुटपाट भएको हो। सात शाखा भने सुरक्षित छन्।

• 

भाटभटेनीसँगै चौधरी ग्रुप, आइएमई, गोल्छा, शंकर ग्रुप लगायतका ठूला व्यवसायिक समूहहरू पनि क्षतिग्रस्त भएका छन्। कर्मचारीहरू बिहीबारदेखि सरसफाइमा जुटेका छन्।

क्षतिको प्रकार अनुसार शाखा:

• सुरक्षित शाखा: टोखा, महाराजगञ्ज, कलंकी, सातदोबाटो, बौद्ध, ठिमी, अनामनगर
• आगलागी शाखा: कोटेश्वर, बालाजु, सानो गाउँ, बालुवाटार, जनकपुर, वर्ल्ड ट्रेड सेन्टर, पोखरा, बुटवल, पाटन, चितवन, वीरगंज, नेपालगञ्ज
• तोडफोड/लुटपाट शाखा: हेटौंडा, धनगढी, विर्तामोड, इटहरी, दमक, भैरहवा, विराटनगर, धरान

भाटभटेनीले वार्षिक ३१ अर्ब रुपैयाँभन्दा बढी कारोबार गर्छ र सामाजिक उत्तरदायित्वमा ठूलो हिस्सा खर्च गर्ने बताइएको छ। तर अहिलेको क्षति ‘अकल्पनीय’ रहेको कर्मचारीहरूको भनाइ छ।