मुक्तिनाथ विकास बैंकको विपद् उद्धार कोषमा ५० लाख योगदान

काठमाडौं । मुक्तिनाथ विकास बैंकले बाढी तथा प्राकृतिक विपद्बाट प्रभावित नागरिकको राहत, उद्धार र पुनर्स्थापनाका लागि प्रधानमन्त्री दैवी प्रकोप उद्धार कोषमा ५० लाख रुपैयाँ सहयोग गरेको छ।

भोटेकोशीमा आएको भीषण बाढीका कारण रसुवा, नुवाकोट, धादिङ र चितवनका नदी आसपासका क्षेत्रमा ठूलो जनधनको क्षति भएपछि बैंकले सामाजिक उत्तरदायित्वअन्तर्गत उक्त रकम प्रदान गरेको जनाएको छ।

• 

बैंकले विपद्मा परी ज्यान गुमाएका नागरिकप्रति श्रद्धाञ्जली तथा शोकाकुल परिवारप्रति समवेदना व्यक्त गर्दै प्रभावितको राहत र पुनःस्थापना कार्यमा सहयोग पुग्ने विश्वास जनाएको छ।

बैंकले आगामी दिनमा पनि विपद् प्रभावित तथा समुदायको हितमा आवश्यक सहयोग र सामाजिक उत्तरदायित्वका कार्यक्रमलाई निरन्तरता दिने प्रतिबद्धता जनाएको छ।