भोटेकोशी बाढी : १,३९२ शव फेला, ४ हजारभन्दा बढी अझै बेपत्ता

काठमाडौँ । भोटेकोशी बाढीपछि बेपत्ता हुनेको संख्या अझै ४ हजार ८९ रहेको छ। नेपाल प्रहरीले सार्वजनिक गरेको पछिल्लो विवरणअनुसार हालसम्म १ हजार ३९२ जनाको शव फेला परेको छ।

फेला परेका शवमध्ये ५४२ पुरुष, ३३६ महिला र ५१४ वटा आंशिक शव छन्। तीमध्ये १०३ शव आफन्तलाई बुझाइएको प्रहरीले जनाएको छ।

• 

बाढीमा घाइते तथा प्रभावित ९ हजार २८७ जनाको उद्धार गरिएको छ भने २ हजार ७८१ जनालाई होल्डिङ सेन्टरमा राखिएको छ। बेपत्ताको खोजी तथा शव पहिचानका लागि सुरक्षा निकायले अभियान जारी राखेका छन्। डीएनए परीक्षणमार्फत पहिचान गर्ने कामलाई प्राथमिकता दिइएको प्रहरीले जनाएको छ।