भोटेकोशी प्रभावित क्षेत्रको पुनरुत्थानमा नयाँ योजना आवश्यक

त्रिशूली । भूमि व्यवस्था तथा सङ्घीय मामिला मन्त्री प्रतिभा रावलले भोटेकोशी बाढी प्रभावित क्षेत्रको पुनरुत्थानलाई नमुना बनाउने गरी काम गर्नुपर्ने बताएकी छन्।

नुवाकोटको विदुर नगरपालिका पुगेर बाढीबाट भएको क्षति र राहत–उद्धारको अवस्थाबारे सरोकारवालासँग छलफल गर्दै उनले विपद्का बेला गरिएको उद्धार तथा विस्थापितको व्यवस्थापन प्रशंसनीय रहेको बताइन्।

• 

विदुर नगरप्रमुख राजन श्रेष्ठले भने प्रभावित नागरिकलाई दीर्घकालीन रूपमा सुरक्षित बसोबासको व्यवस्था गर्नुपर्ने भन्दै सडक सञ्चालन, बेलीब्रिज निर्माण र नयाँ बस्तीका लागि जग्गा व्यवस्थापनमा संघीय सरकारको सहयोग मागे।

छलफलमा राहत वितरण, होल्डिङ सेन्टर, स्वास्थ्य, खानेपानी, विद्युत् तथा आवागमनको अवस्थाबारे पनि जानकारी गराइएको थियो।