त्रिशूली–३ ‘ए’मा उद्धारका लागि ८२ सुरक्षाकर्मी खटिए

काठमाडौं । रसुवाको त्रिशूली–३ ‘ए’ जलविद्युत् आयोजनाको सुरुङभित्र फसेकाको खोजी तथा उद्धारका लागि सुरुङको प्रवेशद्वार खुलाउने काम तीव्र पारिएको छ।

दुई दिनदेखि जारी प्रयासमा लेदो र भग्नावशेष हटाउँदै सुरुङको मुखसम्म पुग्ने काम भइरहेको छ। उद्धार कार्यका लागि नेपाली सेनाका ६२ तथा नेपाल प्रहरी र सशस्त्र प्रहरीका २० गरी ८२ सुरक्षाकर्मी परिचालन गरिएको छ।

• 

प्रतिकूल मौसमका कारण उद्धारमा कठिनाइ भइरहेको जनाइएको छ। यसैबीच भारतबाट उद्धार सहयोगका लागि आएको टोली पनि त्रिशूली पुगेको छ। टोलीले हेलिकप्टरमार्फत चिलिमे र लाङटाङ क्षेत्रको रेकी गरी आवश्यकताअनुसार थप उद्धार कार्य अघि बढाउने तयारी गरेको छ।