रोल्पा पहिरोमा ७ जनाको ज्यान गयो, ५ अझै बेपत्ता

काठमाडौं । रोल्पाको थवाङ गाउँपालिका–५, कोतलाबाङमा गएको पहिरोमा परी ७ जनाको मृत्यु र ५ जना बेपत्ता भएपछि राष्ट्रिय स्वतन्त्र पार्टीले सरकारको ध्यानाकर्षण गराएको छ।

रास्वपाले मृतकप्रति श्रद्धाञ्जली तथा परिवारजनमा समवेदना व्यक्त गर्दै बेपत्ताको तत्काल खोजी र घाइतेको प्रभावकारी उपचार गर्न सरकारसँग आग्रह गरेको छ। पछिल्लो समय बाढीपहिरोबाट विभिन्न क्षेत्रमा क्षति बढ्दै गएको भन्दै उद्धारसँगै पूर्वतयारीमा पनि जोड दिनुपर्ने पार्टीको भनाइ छ।

• 

• 

रास्वपाले जोखिमयुक्त बस्ती पहिचान, प्रभावकारी पूर्वसूचना प्रणाली तथा सुरक्षित स्थानान्तरणको व्यवस्था गर्न तीनै तहका सरकारलाई आग्रह गरेको छ। साथै, निरन्तर वर्षाका कारण जोखिम बढेकाले अत्यावश्यक कामबाहेक यात्रा नगर्न र नदी किनार तथा पहिरो जोखिम क्षेत्रका नागरिकलाई सतर्क रहन अपिल गरेको छ।