परराष्ट्र नीतिमा युवाको भूमिका बढाउँदै सरकार

काठमाडौं । परराष्ट्र मन्त्रालयले युवा पुस्ताको ज्ञान, सीप र विशेषज्ञतालाई नेपालको परराष्ट्र नीति निर्माणसँग जोड्ने उद्देश्यले सञ्चालन गरेको आठहप्ते समर फेलोसिप तथा इन्टर्नसिप कार्यक्रम सम्पन्न भएको छ।

परराष्ट्र मामिला अध्ययन प्रतिष्ठानमार्फत सञ्चालित कार्यक्रममा १० जना फेलो र १० जना इन्टर्न सहभागी थिए। सहभागी युवाले रक्षा कूटनीति, डिजिटल सुशासन, राष्ट्रिय सुरक्षा, जलवायु कूटनीति, श्रम कूटनीति, ऊर्जा, पर्यटन तथा लगानीजस्ता विषयमा अनुसन्धान गरेका थिए।

• 

• 

परराष्ट्र मन्त्री शिशिर खनालले विदेशमा रहेका नेपाली युवाको ज्ञान, अनुभव र अन्तर्राष्ट्रिय सञ्जाललाई राष्ट्रिय हितमा उपयोग गर्ने उद्देश्यले कार्यक्रम अघि बढाइएको बताए। कार्यक्रमले मन्त्रालयको संस्थागत अनुभव र नयाँ पुस्ताको अनुसन्धानबीच सम्बन्ध स्थापित गर्ने अपेक्षा गरिएको छ।